Aaj GHALIB ghazal saraa na hua..(Only Ghalib's Poetry)

Khayam

Ibn e Maryam hua karay koi
Meray dukh ki dawa karay koi

Sharah o aaien par madaar sahi
Aisay qaatil ka kya karay koi

kon hay jo nahi hay haajtmand
kis ki haajat rawa karay koi?

mat suno gar bura kahay koi
mat kaho gar bura karay koi

Rok lo gar ghalat chalay koi
Bakhsh do gar khataa karay koi

Kya kiya KHIZR nay SIKANDAR say
Ab kisay rehnuma karay koi

Bak raha hun junoon may kya kya kuch
Kuch na smjahy khuda karay koi

Jab tawoqqo he utha gai Ghalib
Q kisi ka gila karay koi?

_________________
Regards!
Khayam Nasir

Khayam · Posted: Fri Jan 27, 2012 12:19 pm Post subject:

Ishq mujh ko nahi wehshat he sahi
Meri wehshat teri shohrat he sahi

Qata kijye na taluq hum say
Kuch nahi hay tho adaawat he sahi

Meray honay may hay kya ruswaai?
AAy wo majlis nahi khalwat he sahi

hum b dushman tho nahi hain apnay
Ghair ko tuj say mohabbat he sahi

Apni hasti he say ho jo kuch ho
Aagahi gar nahi ghaflat he sahi

Umar har chand k hay Barq-e-khiraam
Dil k khoo'n krnay ki fursat he sahi

Hum koi tark e wafa krtay hain
Na sahi ishq museebat he sahi

Kuch tho day aay falak e naa insaaf
AAh-o-faryaad ki rukhsat he sahi

Hum b tasleem ki khoo dalein gay
Bay niyaazi teri aadat he sahi (my favourite)

yaar say cherh chali jaye ASAD
Gar nahi wasal tho hasrat he sahi

_________________
Regards!
Khayam Nasir